Aktuale

Të enjten, më 19 maj në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Videoincizimi i aktgjykimit në çështjen Gucati&Haradinaj tani është në dispozicion në kanalin Youtube. Klikoni këtu për të shikuar videoncizimin në shqip.

Sot, Trupi Gjykues II, shpalli aktgjykimin e tij në çështjen Prokurori i Specializuar kundër Hysni Gucatit dhe Nasim Haradinajt. Trupi Gjykues shpalli të dy të akuzuarit fajtorë për pengim të  personave zyrtarë në kryerjen e detyrave zyrtare, frikësim gjatë procedurës penale dhe shkelje të fshehtësisë së procedurës dhe dënoi secilin të akuzuar me nga katër vjet e gjysmë burgim, ku të llogaritet koha e kaluar në paraburgim deri tani, dhe me gjobë prej 100 eurosh për secilin. Më shumë hollësi në Komunikatë për Shtyp.

Transmetimi i shpalljes së aktgjykimit në çështjen kundër Gucatit dhe Haradinajt, e planifikuar për sot paradite në orën 10:00, do të transmetohet me vonesë prej 10 minutash. Klikoni këtu për të ndjekur transmetimin e drejtpërdrejt në shqip.

Siç është njoftuar në kalendarin tonë të Gjykatës, konferenca e radhës për ecurinë e çështjes në çështjen kundër Thaçit, Veselit, Selimit dhe Krasniqit do të mbahet më 20 maj në orën 14:30. Më shumë hollësi mund të lexoni në urdhrin për caktimin e datës. 

Pas përfundimit të dëshmisë së dëshmitarit të fundit të Mbrojtjes, gjykimi kundër Salih Mustafës përfundoi për këtë javë dhe seanca e planifikuar për nesër (13 maj) u anulua. Gjykimi do të vazhdojë më 19 maj me deklaratën pa betim të të akuzuarit.

Për arsye humanitare bindëse, Trupi Gjykues ka udhëzuar Zyrën Administrative që të menaxhojë një vizitë nën mbikqyrje në Kosovë të z. Hysni Gucati për të takuar familjen e ngushtë. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës.

Ibadete Canolli-Kaciu është dëshmitarja e 15-të e Mbrojtjes në gjykimin ndaj Mustafës.

Gjatë seancës së sotme (12 maj), Trupi Gjykues lëshoi urdhrin gojor për caktimin e 26 majit 2022, si datë që parashikohet për mbylljen e paraqitjes së provave prej Mbojtjes sipas rregullës 131 të Rregullores. Rrjedhimisht, Mbrojtja u urdhërua që të parashtrojë njoftimin me shkrim në lidhje me këtë në të njëjtën datë.

Dëshmitarja e Mbrojtjes, Teuta Hadri vazhdoi dëshminë e saj në gjykimin ndaj Mustafës.