Aktuale

Në vendim të lëshuar më 23 maj 2025, gjykatësit e Dhomës së Specializuar të Gjykatës Kushtetuese (DHSGJK) vendosën të zgjedhin gjykatësin Vidar Stensland si gjykatës kryesues të DHSGJK-së, në përputhje me Rregulloren e Punës së DHSGJK-së, për një mandat njëvjeçar i cili fillon më 1 qershor 2025.

Më 15 maj 2025, Trupi Gjykues II nxori vendimin më të fundit mbi pjesëmarrjen e viktimave në çështjen Thaçi dhe të tjerët. Katër parashtrues të tjerë kërkesash u pranuan si viktima pjesëmarrëse në proces gjyqësor, të cilët do t’i shtohen grupit ekzistues të viktimave në këtë çështje dhe do të përfaqësohen nga i njëjti mbrojtës viktimash. Në vendimin e tij Trupi Gjykues theksoi se afati për paraqitjen e kërkesave për pranimin e viktimave pjesëmarrëse në këtë çështje ka skaduar më 15 shkurt 2023, por, meqenëse ekziston një arsye e vlefshme ka vendosur ti pranojë këto kërkesa ndërsa ka refuzuar një kërkesë ngase nuk ekziston një arsye e vlefshme.

Bashkë me këta, numri i gjithsejtë i viktimave pjesëmarrëse në këtë çështje gjyqësore arrin në 156. Më shumë detaje në versionin e redaktuar publik të vendimit.

Transkripti i informimit të sotëm javor të DHSK-së për median ndodhet këtu.

Arkivi i të gjitha informimeve të mëparshme është i disponueshëm në këtë faqe ndërsa video incizimet mund të gjenden në kanalin tonë në Youtube

Informimi javor i radhës për median do të mbahet të enjten, më 22 maj, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Pas parashtrimeve të palëve dje dhe sot, si dhe pas deklaratës personale të apeluesit Shala, ka përfunduar seanca e apelit në këtë çështje. Ndër parashtrimet tjera, Mbrojtja deklaroi se dënimet duhet të prapësohen dhe klienti i tyre të  shpallet i pafajshëm për të gjitha akuzat, ndërsa ZPS-ja deklaroi se apeli i Shalës duhet të hidhet poshtë në tërësi.

Paneli i Gjykatës së Apelit do ta nxjerrë aktgjykimin në kohën e duhur.

Gjykatësi kryesues njoftoi se ka pasur një ndryshim të vogël në rendin e ditës së sotme ngase Prokuroria do të vazhdojë me argumentet e veta nga dita e djeshme. Mbrojtësi i Viktimave do të japë përgjigjen e tij, pasuar nga përgjigjja e Mbrojtjes dhe deklarimi personal fakultativ i P. Shalës. 

Transkripti i informimit të sotëm javor të DHSK-së për median ndodhet këtu.

Sipas orarit të seancës së sotme, pas deklaratës hyrëse të gjykatësit kryesues të panelit të Gjykatës së Apelit, Mbrojtja e Shalës do t'i bëjë parashtrimet e veta lidhur me apelin (1,5 orë), pasuar nga përgjigjja e ZPS-së (gjithashtu 1,5 orë).

Ju kujtojmë se seanca e apelit në çështjen Pjetër Shala është paraparë të fillojë në ora 13:30. Seanca pritet të vazhdojë nesër në ora 10:00.

Klikoni këtu për të ndjekur transmetimin në shqip (me 45 minuta vonesë).

Njoftimin lidhur me anulimin e informimit për median të planifikuar për sot, 13 maj në Prishtinë, mund ta shihni këtu.