Aktuale

Sot, Gjykatësi i Procedurës Paraprake njoftoi Kryetaren se dosja e çështjes kundër Salih Mustafës do të jetë gati për t’ia kaluar trupit gjykues më 7 maj 2021.

Sot, Kadri Veseli u kthye në Hagë dhe ka mbërritur në objektin e paraburgimit të Dhomave të Specializuara të Kosovës (DHSK).  

Për shkak të arsyeve humanitare bindëse, gjykatësi i procedurës paraprake ka udhëzuar Zyrën Administrative që të menaxhojë një vizitë nën mbikqyrje në Kosovë për z. Kadri Veseli për të takuar familjen e ngushtë. I akuzuari mbetet në paraburgim të Dhomave të Specializuara. EULEX dhe Policia e Kosovës po mbështesin Dhomat e Specializuara të Kosovës.

Të premten më 30 prill 2021, paneli i Gjykatës së Apelit nxori katër vendime me të cilat hodhi poshtë apelet e parashtruara nga Hashim Thaçi, Kadri Veseli, Rexhep Selimi dhe Jakup Krasniqi kundër katër vendimeve përkatëse të Gjykatësit të Procedurës Paraprake me të cilat ai refuzoi kërkesat e tyre fillestare për lirim të përkohshëm.

Transmetimi i Konferencës për ecurinë e çështjes në çështjen kundër Hysni Gucatit dhe Nasim Haradinajt, e cila do të mbahet në orën 11:00, do të bëhet me një vonesë prej 45 minutash. Klikoni këtu për të përcjellur transmetimin në shqip.

Transmetimi i Konferencës për ecurinë e çështjes në çështjen kundër Pjetër Shalës, e cila do të mbahet në orën 11:00, do të bëhet me një vonesë prej 45 minutash. Klikoni këtu për të përcjellur transmetimin në shqip.

Siç është njoftuar në Kalendarin tonë të Gjykatës, Konferenca e katërt për ecurinë e çështjes në çështjen kundër Hysni Gucatit dhe Nasim Haradinajt do të mbahet të premten, më 30 prill në orën 11:00. Më shumë detaje mund të lexohen në urdhrin për caktimin (në anglisht).

Më 21 prill, gjykatësi i procedurës paraprake Giju nxori vendimin e parë mbi pjesëmarrjen e viktimave në çështjen Thaci dhe të tjerët. Nëntë parashtrues të kërkesave u pranuan si viktima pjesëmarrëse në proces (për t'u përfaqësuar si një grup) dhe shtatë kërkesa u refuzuan. Gjykatësi i procedurës paraprake urdhëroi Zyrën për Pjesëmarrje të Viktimave që të mbledhë më shumë informacion në lidhje me një parashtrues të kërkesës para se të marrë vendimin për të. Këtu do të gjeni vendimin (në anglisht).

Siç është njoftuar në Kalendarin tonë të Gjykatës, Konferenca e parë për ecurinë e çështjes në çështjen kundër Pjetër Shalës do të mbahet të premten, më 23 prill në orën 11:00. Më shumë detaje mund të lexohen në urdhrin për caktimin (në anglisht).

Në paraqitjen e tij të parë para gjykatësit të procedurës paraprake, Giju, Pjetër Shala u vetëdeklarua i pafajshëm për të gjitha pikat e aktakuzës.