Aktuale

Zyra e Prokurorit të Specializuar (ZPS) aktualisht është duke kryer operacione në Kosovë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX). Më shumë informacion do të jepet më vonë.

Pas arrestimit të tyre nga Prokurori i Specializuar më 4 dhe 5 nëntor, Hashim Thaçi, Kadri Veseli, Rexhep Selimi dhe Jakup Krasniqi u transferuan në objektin e paraburgimit të Dhomave të Specializuara të Kosovës (DHSK) në Hagë, më 4 dhe 5 nëntor. 

Jakup Krasniqi u arrestua dhe u transferua në objektin e paraburgimit të Dhomave të Specializuara të Kosovës (DHSK) në Hagë, më 4 nëntor 2020. Më shumë hollësi në Komunikatën për shtyp.

Zyra e Prokurorit të Specializuar (ZPS) aktualisht është duke kryer operacione në Prishtinë. Operacionet e ZPS-së po kryhen me mbështetjen e Policisë së Kosovës dhe Misionit të Bashkimit Evropian për Sundimin e Ligjit në Kosovë (EULEX). Më shumë informacion do të jepet më vonë.

Sot, në paraqitjen e tij të mëtejshme para gjykatësit të procedurës paraprake. Giju, Salih Mustafa u vetëdeklarua i pafajshëm për të gjitha pikat e aktakuzës. Bazuar në rregullën 95 të Rregullores së Procedurës dhe Provave të DHSK-së, gjykatësi i procedurës paraprake do të vijojë me përgatitjen e çështjes për gjykim. Konferenca për ecurinë e kësaj çështjeje gjyqësore është në vijim e sipër  dhe mund të përcillet përmes transmetimit të saj në Internet.

Transmetimi i paraqitjes së mëtejshme/Konferencës për ecurinë në çështjen Mustafa do të bëhet sot me një vonesë prej 45 minutash. Klikoni këtu për të parë transmetimin e drejtpërdrejtë në shqip.

Sikurse është njoftuar në kalendarin e Gjykatës, paraqitja e mëtejshme e Salih Mustafës është caktuar për datën 28 tetor, në orën 15:00. Gjatë pjesës së parë të seancës, z. Mustafa do t’i kërkohet të vetëdeklarohet fajtor ose i pafajshëm në lidhje me akuzat kundër tij të paraqitura në Aktakuzën e konfirmuar, në përputhje me rregullën 92(2)(c) të Rregullores. Nëse i akuzuari nuk vetëdeklarohet në lidhje me fajësinë ose pafajësinë, gjykatësi i procedurës paraprake bën deklarim pafajësie në emër të të akuzuarit në përputhje me rregullën 92(2)(f) të Rregullores. Pjesa e dytë e seancës do të shërbejë si konferencë e dytë për ecurinë e çështjes. Këtu do të gjeni urdhrin për caktimin e datës së kësaj seance. Më shumë informacion në lidhje me çështjen, përfshirë Aktakuzën e redaktuar publike, do të gjeni në rubrikën e çështjes.