Aktuale

Transkripti i informimit të sotëm javor të DHSK-së për median ndodhet këtu.

Informimi javor i radhës për median do të mbahet të enjten, më 12 shtator, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Më 10 shtator 2024, Paneli i Gjykatës së Apelit shqiptoi dënimet individuale ndaj Mustafës për krimet e luftës të ndalimit arbitrar, torturës dhe vrasjes së paligjshme prej tetë, 13 dhe 15 vjet burgim si dhe ia shqiptoi dënimin e njësuar prej 15 vite burgim, duke llogaritur dhe kohën në paraburgim. Më shumë hollësi në Komunikatën për shtyp.

Më 9 shtator 2024, Paneli i Gjykatës Supreme i përbërë prej Gjykatësve Ekaterina Trendafilova (kryegjykatëse), Kristinë van den Vajngart dhe Daniel Fransen, hodhi poshtë kërkesën e Haxhi Shalës për mbrojtje të ligjshmërisë lidhur me mbajtjen e tij në paraburgim. Paneli konstatoi se nuk është bërë shkelje thelbësore e procedurave nga ana e Gjykatëses së Procedurës Paraprake e cila fillimisht urdhëroi mbajtjen e mëtejshme në paraburgim të të akuzuarit, dhe Panelit të Gjykatës së Apelit i cili e konfirmoi vendimin.

Më shumë detaje në vendim, ndërsa më shumë hollësi për çështjen Januzi dhe të tjerët mund të gjeni në faqen e internetit kushtuar kësaj çështjeje gjyqësore.

Pas dorëzimit të njoftimit (konfidencial) për apel nga Mbrojtja e Pjetër Shalës kundër aktgjykimit të shqiptuar më 16 korrik të këtij viti, Kryetarja e DHSK-së Trendafilova caktoi Panelin e Gjykatës së Apelit të përbërë nga gjykatësit Mishelë Pikar, Kai Ambos dhe Nina Jorgensen për marrjen e vendimit lidhur me apelin. Më 4 shtator 2024, kryegjykatësja e Panelit të Gjykatës së Apelit caktoi datën për mbajtjen e konferencës para apelit për 20 shtator në ora 10:00.

Transkripti i informimit të sotëm javor të DHSK-së për median ndodhet këtu.

Informimi javor i radhës për median do të mbahet të enjten, më 5 shtator, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Pas njoftimit të Gjykatëses së Procedurës Paraprake se dosja e çështjes Januzi dhe të tjerët do të jetë gati për t’iu kaluar Trupit Gjykues më 4 shtator, Kryetarja e DHSK-së ia caktoi këtë çështje Trupit Gjykues I, në përbërje nga gjykatësit Roland Dekers, Mapi Feld-Folia, Zhilber Biti, dhe Vladimir Mikula (gjykatës rezervë).

Pas përfundimit të dëshmisë së dëshmitarit Rrustem Tetaj, gjykimi në çështjen Thaçi dhe të tjerët përfundoi për ditën e sotme dhe për këtë javë. Seanca e caktuar për nesër, 5 shtator, është anuluar, ndërsa procesi gjyqësor do të vazhdojë të hënën, 16 shtator, në orën 09:00.

Dëshmitari i 84-të i Prokurorisë, Rrustem Tetaj, rinisi dhënien e dëshmisë këtë mëngjes. Mbrojtja e Thaçit po vazhdon marrjen në pyetje nga dita e djeshme.