Aktuale

Të enjten, më 12 maj në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Dëshmitarja e 14-të e Mbrojtjes në çështjen gjyqësore Mustafa është Teuta Hadri.

Rexhep Selimi u vetëdeklarua i pafajshëm lidhur me akuzat e reja në aktakuzën më të fundit të konfirmuar. Kjo ishte edhe seanca e fundit në këtë çështje për sot.

Pas vetëdeklarimeve të pafajësisë së Thaçit dhe Veselit sot paradite, edhe Jakup Krasniqi u vetëdekëlarua i pafajshëm lidhur me akuzat e reja në aktakuzën e ndryshuar të konfirmuar.

Gjatë paraqitjes së tij të mëtejshme sot, Kadri Veseli i vetëdeklarua i pafajshëm lidhur me akuzat e reja në aktakuzën e ndryshuar të konfirmuar.

Gjatë paraqitjes së tij të mëtejshme sot, Hashim Thaçi u vetëdeklarua i pafajshëm në lidhje me akuzat e reja në aktakuzën e ndryshuar të konfirmuar.

Të katër seancat sot të planifikuara për orën 10:00 (Thaçi), 11:15 (Veseli) , 14:00 (Krasniqi) dhe 15:15 (Selimi) do të transmetohen me 10 minuta vonesë. Klikoni këtu për të ndjekur transmetimin e drejtpërdrejt në shqip.

Sot, më 4 maj 2022, Trupi Gjykues II caktoi shpalljen e aktgjykimit në çështjen kundër Hysni Gucatit dhe Nasim Haradinajt më 18 maj 2022 në orën 10:00. Këtu mund ta gjeni urdhrin për caktimin e datës.

Pas dorëzimit të aktakuzës së ndryshuar, Gjykatësi i Procedurës Paraprake në çështjen Thaçi dhe të tjerët caktoi paraqitjet e mëtejshme për secilin të akuzuar më 10 maj 2022. Më shumë hollësi dhe kohën e saktë për secilën paraqitje të mëtejshme mund të gjeni në parashtrim.

Më 29 prill 2022, ZPS-ja dorëzoi aktakuzën e ndryshuar kundër Thaçit, Veselit, Selimit dhe Krasniqit. Versionin e redaktuar publik të aktakuzës së re mund ta gjeni këtu. Më shumë informacion për historikun e aktakuzës mund të gjeni në faqen për çështjet gjyqësore.