Aktuale

Mbrojtja e Haradinajt vazhdon me parashtrimin e pyetjeve për dëshmitarin e saj të parë, Nasim Haradinaj.

Sot, Kadri Veseli u kthye në Hagë dhe ka mbërritur në objektin e paraburgimit të Dhomave të Specializuara të Kosovës.

Mbrojta e Nasim Haradinajt ka filluar me paraqitjen e provave. Dëshmitari i saj i parë është i akuzuari Haradinaj.

Për shkak të arsyeve humanitare bindëse, Gjykatësi i Procedurës Paraprake ka udhëzuar Zyrën Administrative që të menaxhojë një vizitë nën mbikqyrje në Kosovë për z. Veseli, për t'a takuar familjen e tij. I akuzuari mbetet në paraburgim të Dhomave të Specializuara. EULEX-i dhe Policia e Kosovës po mbështesin Dhomat e Specializuara të Kosovës.

Sot, Gjykata e Apelit lëshoi vendimin e saj mbi apelet e parashtruara nga ZPS-ja dhe katër të akuzuarit në çështjen Thaçi dhe të tjerët, kundër vendimit të Gjykatësit të Procedurës Paraprake të 22 korrikut 2021, në lidhje me juridiksionin e DHSK-së. Në vendimin e tij, Gjykatësi i Procedurës Paraprake rrëzoi shumicën e mocioneve të Mbrojtjes, por miratoi pjesërisht mocionin e Veselit dhe rrjedhimisht urdhëroi ZPS-në të paraqesë një aktakuzë të ndryshuar ku të përjashtojë përgjegjësinë penale për NPK III për krimet me synim konkret. Në vendimin e sotëm, Paneli i Gjykatës së Apelit rrëzoi të pesë apelet, me përjashtim të pikës 1 të apelit të ZPS-së, në lidhje me të cilën Paneli konstatoi “se zbatueshmëria e NPK III si formë e përgjegjësisë penale për krime me synim konkret, para Dhomave të Specializuara nuk mund të cilësohet si çështje juridiksionale” sipas rregullës 97, dhe se kjo çështje mund të parashtrohet gjatë gjykimit.

Më 17 dhjetor 2021, Prokurori i Specializuar e dorëzoi si rreptësisht konfidenciale dhe ex parte dosjen paraprake si dhe listën e dëshmitarëve dhe listën e provave materiale në çështjen kundër Thaçit dhe të tjerëve. Protokollimi relevant me të dhëna për këtë parashtrim mund të gjendet këtu.

Siç është njoftuar në kalendarin tonë, Konferenca e radhës për ecurinë e çështjes në çështjen gjyqësore kundër Pjetër Shalës do të mbahet më 14 janar 2022, në orën 14:30. Më shumë detaje mund të lexohen në urdhrin për caktimin.

Siç është njoftuar në kalendarin tonë, pushimi dimëror në DHSK fillon të hënën, më 20 dhjetor 2021, dhe përfundon më 7 janar 2022. Gjatë kësaj periudhe nuk mbahen seanca gjyqësore, përveç rrethanave të jashtëzakonshme, dhe disa shërbime jothelbësore zvogëlohen në minimum. Sidoqoftë, gjykata mbetet plotësisht funksionale gjatë kësaj periudhe dhe puna vazhdon në të gjitha seksionet e DHSK-së. Parashtrimet mund të dorëzohen edhe gjatë pushimit.

Të enjten, më 16 dhjetor në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Më 15 dhjetor, gjykatësi i procedurës paraprake Giju nxori vendimin e parë mbi pjesëmarrjen e viktimave në çështjen Pjetër Shala. Një parashtrues i kërkesës u pranua si viktimë pjesëmarrëse në proces dhe gjykatësi i procedurës paraprake urdhëroi Administratoren që deri më 28 janar 2022 të caktojë përfaqësuesin e viktimës. Këtu do të gjeni vendimin.