Aktuale

Mbrojta e Hysni Gucatit ka filluar me paraqitjen e provave. Dëshmitari i saj i parë është i akuzuari Gucati.

Siç është njoftuar në kalendarin tonë, Konferenca e radhës për ecurinë e çështjes në çështjen gjyqësore kundër Thaçit, Veselit, Selimit dhe Krasniqit, do të mbahet të mërkurën, më 15 dhjetor, në orën 14:30. Më shumë detaje mund të lexohen në urdhrin për caktimin.

Mbrojtja e Hysni Gucatit e ka përfunduar deklaratën e saj hyrëse. Seanca e sotme ka përfunduar ndërsa gjykimi do të vazhdojë të hënën, më 6 dhjetor, me dëshminë e dëshmitarit të parë të Mbrojtjes së Gucatit (i akuzuari Gucati).

Paraqitja e provave prej Mbrojtjes në gjykimin kundër Gucatit dhe Haradinajt ka filluar me deklaratën hyrëse të Mbrojtjes së Gucatit.

Në fund të konferencës së sotme përgatitore për Mbrojtjen në çështjen gjyqësore Gucati dhe Haradinaj, Trupi Gjykues II nxori një numër vendimesh gojore që urdhërojnë, mes tjerash, se paraqitja e provave prej Mbrojtjes do të nis nesër (më 3 dhjetor) me deklaratën hyrëse të Mbrojtjes së Gucatit dhe do të vazhdojë më 6 dhjetor, me paraqitjen e provave. Paraqitja e provave prej Mbrojtjes së Haradinajt do të nis pas mbylljes së paraqitjes së provave prej Mbrojtjes së Gucatit. Trupi Gjykues caktoi 17 janarin 2022 si datë provizore për mbylljen e paraqitjes së provave prej Mbrojtjes dhe 1 marsin 2022 për përfundimin e procedurës provuese në këtë çështje gjyqësore.

Pas pushimit, konferenca përgatitore për Mbrojtjen në çështjen Gucati dhe Haradinaj do të vazhdojë në orën 12:00 (ose në orën 12:45 për transmetimin me vonesë).

Të enjten, më 2 dhjetor në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Trupi gjykues II caktoi rendin e ditës të konferencës përgatitore për Mbrojtjen në çështjen Gucati dhe Haradinaj, e cila do të mbahet nesër, më 2 dhjetor, dhe potencialisht edhe më 3 dhjetor (ditë rezervë).

Sot, Trupi Gjykues në çështjen gjyqësore Gucati dhe Haradinaj hodhi poshtë mocionet e dorëzuara nga dy ekipet e Mbrojtjes për rrëzimin e akuzave kundër të akuzuarëve, në bazë të rregullës 130 të Rregullores së Procedurës dhe të Provave të DHSK-së. Vendimin mund ta gjeni këtu.

Të enjten, më 25 nëntor, në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.