Aktuale

Pas përfundimit të dëshmisë së dëshmitarit të ZPS-së W04445, gjykimi në çështjen Thaçi dhe të tjerët përfundoi për ditën e sotme dhe për këtë javë. Gjykimi do të rifillojë të hënën, më 8 korrik në orën 09:00.

Transkripti i informimit të sotëm javor të DHSK-së për median ndodhet këtu.

Dëshmitari tjetër i Prokurorisë është dëshmitari i mbrojtur W04445, i cili do të dëshmojë përmes videolidhjes. Sipas përmbledhjes së ZPS-së në gjykatë, ky dëshmitar dhe i afërmi i tij kanë përkrahur LDK-në. Më 1998, anëtarë të UÇK-së rrëmbyen të afërmin e dëshmitarit, kufoma e të cilit u gjet më vonë atë vit. Gjithashtu, në të njëjtin vit, dëshmitari u mbajt i ndaluar dhe u keqtrajtua nga anëtarët e UÇK-së.

Ju njoftojmë se dëshmitari i mëparshëm, Bislim Zyrapi, nuk e ka përfunduar dëshminë e tij. Ajo është planifikuar të vazhdojë të hënën, 9 korrik në orën 09:00.

Dëshmitari i Prokurorisë Bislim Zyrapi vazhdon të japë dëshminë e tij mëngjesin e sotëm. Mbrojtja e Hashim Thaçit është aktualisht duke e marrë në pyetje dëshmitarin.

Informimi javor i radhës për median do të mbahet të enjten, më 4 korrik, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Këtë mëngjes ZPS-ja vazhdon me marrjen në pyetje të dëshmitarit të 75-të në sallën e gjyqit Bislim Zyrapi, i cili e filloi dëshminë e tij më 1 korrik.

Siç u njoftua dje, seanca e sotme ishte më e shkurtër se zakonisht dhe përfundoi për ditën e sotme. Seanca e nesërme (3 korrik) do të vijojë në orarin e rregullt, nga ora 09:00 deri në orën 16:30.

Këtë mëngjes ZPS-ja po vazhdon me marrjen në pyetje të dëshmitarit të 75-të, Bislim Zyrapi, dëshmia e të cilit nisi dje.

Për shkak të mungesës së dëshmitarit aktual nesër pasdite, gjykimi në çështjen Thaçi dhe të tjerët më 2 korrik pritet të mbahet nga ora 09:00 deri në orën 13:00.

Orari i përditësuar i sallës së gjyqit është i disponueshëm në kalendarin tonë në internet.

Dëshmitari i ri i ZPS-së është Bislim Zyrapi, dëshmia e të cilit ka nisur këtë mëngjes. Ai ndihmohet nga një mbrojtës kujdestar në sallën e gjyqit.

Sipas informatave të Trupit Gjykues, ky dëshmitar nuk është në dispozicion për të dëshmuar të martën dhe të enjten pasdite. Prandaj dëshmia e tij për këtë javë do të zhvillohet gjatë tërë ditës së sotme dhe gjatë ditës së mërkurë ndërsa të martën dhe të enjten vetëm gjatë gjysmës së ditës.