Aktuale

Seanca e sotme ka përfunduar ndërsa gjykimi i Thaçit dhe të tjerëve do të vazhdojë të hënën, më 29 janar, në ora 09:00.

Transkripti i informimit të sotëm javor të DHSK-së për median ndodhet këtu.

Më 25 janar, Paneli i Gjykatës Supreme nxori dy vendime lidhur me kërkesën e mundshme për mbrojtjen e ligjshmërisë në çështjen Salih Mustafa.

Në vendimin e parë, Paneli përcaktoi se znj. Venkateswari Alagendra nuk e kishte njoftuar Trupin Gjykues II (në të cilin njëri prej të akuzuarve është Jakup Krasniqi dhe të cilin ajo gjithashtu e përfaqëson) lidhur me synimin e saj që të përfaqësojë Mustafën, siç kërkohet me nenin 28(4)(1)(b) të Kodit të Etikës Profesionale, në mënyrë që të pranonte vendimin e Trupit Gjykues nëse ekziston ndonjë konflikt interesi. Rrjedhimisht, Paneli deklaroi se emërimi i Alagendra si avokate e re e Mustafës nuk ka efekt juridik dhe urdhëroi Administratoren që të caktojë mbrojtësin kujdestar për të përfaqësuar Mustafën derisa të zgjidhet çështja.

Në vendimin e dytë, Paneli hodhi poshtë kërkesën e Mbrojtjes së Mustafës lidhur me zgjatjen e afatit për të dorëzuar kërkesën për mbrojtjen e ligjshmërisë pasi Venkateswari Alagendra për momentin nuk ka legjimitet për të dorëzuar ndonjë kërkesë në emër të Mustafës, përfshirë kërkesën për zgjatjen e afatit. Paneli gjithashtu vuri në dukje se, edhe nëse Alagendra do ta gëzonte këtë legjimitet, afatet kohore të parashikuara në Ligj (kërkesat për mbrojtjen e ligjshmërisë duhet të dorëzohen brenda tre muajve nga aktgjykimi i formës së prerë) nuk mund të ndryshohen me Rregulloren e Punës dhe të Provave.

Dëshmitari i prokurorisë Dejan Jeftiq, nga zona e Suharekës në Kosovë, është kthyer në sallën e gjyqit për të vazhduar dëshminë e tij, e cila filloi më 11 dhjetor të vitit të kaluar. Ai aktualisht është duke u marrë në pyetje nga mbrojtja e Hashim Thaçit.

Më 24 janar 2024, Trupi Gjykues në çështjen P. Shala vendosi të pranojë në cilësinë e provës një numër dokumentesh që kanë të bëjnë me dosjen penale të të akuzuarit (aktualisht të klasifikuara si konfidenciale) në bazë të rregullës 132 të Rregullores. Trupi Gjykues i konsideroi ato të nevojshme për përcaktimin e dënimit në rast të shpalljes fajtor në këtë çështje, në bazë të rregullës 163(3) të Rregullores.

Në të njëjtin vendim, Trupi Gjykues gjithashtu miratoi, pjesërisht, pranimin e më shumë provave të Mbrojtjes dhe urdhëroi ZPS-në/Mbrojtjen që të paraqesin çdo kërkesë për kundërprova deri më 26 janar.

Vendimi i plotë ndodhet këtu.

Dëshmitari i mbrojtur i ZPS-së, W04489, vazhdon dëshminë këtë mëngjes.

Ju lutemi vini re se seanca e nesërme (më 25 janar) në çështjen Thaçi dhe të tjerët do të nis në orën 09:30. 

Dëshmitari i 41-të i ZPS-së, W04489, do të vazhdojë dëshminë këtë mëngjes. Ju lutemi vini re se për momentin seanca ndodhet në një pushim të paplanifikuar dhe do të rinis në orën 09:50 (ose 10:35 transmetimi me vonesë në internet).

Dëshmitari i mbrojtur i ZPS-së W04489 vazhdon dëshminë këtë mëngjes.