• E premte 3 Nëntor, 2023 18:00

    Isni Kilaj arrestohet dhe transferohet në Objektin e Paraburgimit të DHSK-së në Hagë – Paraqitja e parë të shtunën, më 4 nëntor 2023

    Isni Kilaj u arrestuan dje në Kosovë nga Zyra e Prokurorit të Specializuar (ZPS), në bazë të fletarrestimit të ZPS-së dhe urdhrit për transferim lëshuar nga gjykatësi i vetëm i Dhomave të Specializuara të Kosovës (DHSK). Ai u transferuan në Objektin e Paraburgimit të DHSK-së në Hagë sot më 3 nëntor 2023.

    Paraqitja e parë e z. Isni Kilaj është caktuar të zhvillohet të shtunën, 4 nëntor 2023, ora 10:00, në sallën e gjyqit të DHSK-së.

    Më shumë hollësi në Komunikatën për shtyp.

  • E premte 3 Nëntor, 2023 11:15

    Çështja Januzi dhe Bahtijari: ZPS-ja do ta dorëzojë dosjen paraprake deri më 2 shkurt 2024

    Gjatë konferencës së sotme për ecurinë e çështjes në çështjen Januzi dhe Bahtijari, gjykatësi i procedurës paraprake, Nikola Giju, me vendim gojor urdhëroi Prokurorinë që deri më 2 shkurt 2024 të dorëzojë dosjen paraprake.

  • E enjte 2 Nëntor, 2023 15:15

    Përfundon gjykimi i Thaçit dhe të tjerëve për këtë javë/rinis më 6 nëntor

    Predrag Dediq e përfundoi dëshminë e tij në gjykimin e Thaçit dhe të tjerëve. Kjo ishte seanca e fundit e kësaj jave ndërsa gjykimi do të rinis të hënën, më 6 nëntor, në orën 09:00.

  • E enjte 2 Nëntor, 2023 10:00

    Gjykimi i Thaçit dhe të tjerëve: dëshmitari i radhës

    Dëshmitari i ri i ZPS-së në gjykimin e Thaçit dhe të tjerëve është Predrag Dediq. Ky është dëshmitari i 32-të i ZPS-së deri më tani dhe ai është duke dëshmuar përmes video-lidhjes.

  • E hënë 30 Tetor, 2023 16:15

    Thaçi dhe të tjerët: pëfundon seanca për ditën e sotme/gjykimi vazhdon më 2 nëntor

    Pas përfundimit të dëshmisë së dëshmitarit W04753, gjykimi i Thaçit dhe të tjerëve ka përfunduar për ditën e sotme. Seancat e planifikuara më 31 tetor dhe 1 nëntor janë anuluar. Gjykimi në këtë çështje do të rinis më 2 nëntor në orën 09:00.

     

  • E hënë 30 Tetor, 2023 10:15

    Thaçi dhe të tjerët: dëshmon dëshmitari i ri i ZPS-së

    Sapo ka filluar dëshmia e dëshmitarit të 31-të të ZPS-së në gjykimin e Thaçit dhe të tjerëve. Ky është dëshmitari i mbrojtur W04753.

  • E premte 27 Tetor, 2023 13:00

    Përfundon seanca e apelit në çështjen Mustafa /aktgjykimi do të jepet në kohën e duhur

    Pas parashtrimeve të palëve dje dhe sot, si dhe pas deklaratës personale të apeluesit Mustafa, ka përfunduar seanca e apelit në këtë çështje.  Mbrojtja përsëriti parashtrimet e saj nga dosja e apelit se vendimet e fajësisë duhet të përmbysen dhe, në rast se konfirmohen, dënimi duhet të zvogëlohet. Në anën tjetër, ZPS-ja deklaroi se dënimi nuk duhet të preket në masë të konsiderueshme apo edhe fare, edhe nëse Paneli i Gjykatës së Apelit përmbys disa nga vendimet e fajësisë.

    Paneli i Gjykatës së Apelit do ta nxjerrë aktgjykimin në kohën e duhur.