Arkivi i të gjitha informimeve të mëparshme është i disponueshëm në këtë faqe ndërsa video incizimet mund të gjenden në kanalin tonë në Youtube
E martë
29 Tetor, 2024
16:00
Gjykimi Thaçi dhe të tjerët : fillon dëshmia e dëshmitarit të 100-të të ZPS-së
Këtë pasdite, Prokuroria thirri dëshmitarin e saj të 100-të në gjykatë në çështjen Thaçi dhe të tjerët. Ky dëshmitar, me pseudonimin WO4809, po dëshmon përmes videolidhjes.
E martë
29 Tetor, 2024
10:00
Gjykimi Thaçi dhe të tjerët: dëshmitari W04854 vazhdon dëshminë
Dëshmitari i 99-të i Prokurorisë është duke vazhduar dëshminë këtë mëngjes.
E hënë
28 Tetor, 2024
17:00
Gjykimi Thaçi dhe të tjerët: dëshmitari i 99-të i ZPS-së fillon dhënien e dëshmisë
Pas përfundimit të dëshmisë së Fatmir Sopit, Prokuroria thirri dëshmitarin W04854.
E hënë
28 Tetor, 2024
10:15
Gjykimi Thaçi dhe të tjerët: ZPS-ja thërret dëshmitarin e 98-të
Fatmir Sopi është dëshmitari i ri i ZPS-së, dëshmia e të cilit filloi këtë mëngjes. Sipas përmbledhjes së ZPS-së në gjykatë, Sopi ka qenë pjesëtar i UÇK-së i përfshirë në organizimin e strukturave të UÇK-së në rajonin e Gollakut brenda Zonës Operative të Llapit dhe ishte person i rëndësishëm në krijimin e Brigadës 153. Z. Sopi do të dëshmojë për krijimin, strukturën, stërvitjen dhe funksionimin e Brigadës 153.
E premte
25 Tetor, 2024
11:15
Çështja Januzi dhe të tjerët: gjykimi fillon më 14 nëntor, paraqitja e provave më 9 dhjetor
Më 24 tetor 2024, Trupi Gjykues I njoftoi se gjykimi në çështjen Januzi, Bahtijari dhe H. Shala do të fillojë më 14 nëntor 2024, në ora 09:30. Në këtë datë, dhe potencialisht të nesërmen, ZPS-ja dhe ekipet e Mbrojtjes të Januzit dhe H. Shalës do t'i paraqesin deklaratat e tyre hyrëse, ndërsa Mbrojtja e Bahtijarit ka bërë të ditur preferencën për të paraqitur deklaratën hyrëse pas përfundimit të paraqitjes së provave nga ZPS-ja.
Paraqitja e provave nga ZPS-ja do të nisë të hënën, më 9 dhjetor, në ora 09:30.
Më shumë hollësi në vendimin e Trupit Gjykues.
E enjte
24 Tetor, 2024
17:15
Gjykimi Thaçi dhe të tjerët përfundoi për këtë javë/rinis më 28 tetor
Gjykimi në çështjen Thaçi dhe të tjerët përfundoi për ditën e sotme dhe për këtë javë. Procesi gjyqësor do të vazhdojë të hënën, 28 tetor 2024, në orën 09:00, me dëshminë e një dëshmitari të ri të ZPS-së, ndërsa dëshmia e dëshmitarit Nuredin Ibishi do të vazhdojë në një datë të mëvonshme, e cila ende nuk është bërë e ditur.
E enjte
24 Tetor, 2024
14:45
Informimi javor për median më 24 tetor: transkripti
Transkripti i informimit të sotëm javor të DHSK-së për median ndodhet këtu.
E enjte
24 Tetor, 2024
09:45
Gjykimi Thaçi dhe të tjerët: dëshmitari Ibishi vazhdon dëshminë e tij
Këtë mëngjes, ZPS-ja ka vazhduar marrjen në pyetje të dëshmitarit 97, Nuredin Ibishi.
E mërkurë
23 Tetor, 2024
17:30
Informimi javor për median më 24 tetor
Informimi javor i radhës për median do të mbahet të enjten, më 24 tetor, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.
E mërkurë
23 Tetor, 2024
14:30
Gjykimi Thaçi dhe të tjerët: ZPS-ja thërret dëshmitarin e radhës (i 97-ti deri më tani)
Pas përfundimit të dëshmisë së dëshmitarit Fadil Geci, Prokuroria thirri dëshmitarin e radhës, Nuredin Ibishi. Sipas përmbledhjes së lexuar nga ZPS-ja në gjykatë, Ibishi ka qenë anëtar i UÇK-së në zonën operative të Llapit.