Aktuale

Gjatë seancës së sotshme (17 maj), Trupi Gjykues në çështjen Thaçi dhe të tjerët shprehu shqetësimin se gati të gjitha dëshmitë deri më tani janë dëgjuar në seanca private apo të mbyllura dhe ua kujtoi palëve, midis të tjerash, se, në përputhje me nenin (21)(2) të Ligjit, të akuzuarit gëzojnë të drejtën për gjykim të drejtë dhe publik dhe gjithashtu se është në interesin e publikut që ky proces të zhvillohet, për aq sa është e mundshme, në mënyrë publike. Trupi Gjykues gjithashtu kujtoi se në urdhrin mbi zhvillimin e procedurave thuhet se palët dhe pjesëmarrësit duhet të respektojnë karakterin publik të procesit gjyqësor. Më vonë, Trupi Gjykues lëshoi urdhër gojor duke kërkuar parashtrime nga palët, deri më 31 maj, në lidhje me hapat konkretë që mund të merren nga palët dhe trupi gjykues për të siguruar që këto procedura të jenë publike në shkallë më të lartë. Ndërkohë, Trupi Gjykues i urdhëroi palët që të kenë parasysh parimin që procedurat të jenë publike, kur të kërkojnë që pjesë të dëshmive të dëshmitarëve të dëgjohen në seanca private ose të mbyllura.

Mbrojtja e Selimit vazhdon marrjen në pyetje të dëshmitarit të mbrojtur 4748.

Mbrojtja vazhdon me marrjen në pyetje të dëshmitarit të 4-të të ZPS-së.

Vazhdon dëshmia e dëshmitarit të katërt të ZPS-së në gjykimin e Thaçit dhe të tjerëve.

Gjykimi do të vazhdojë më 15 maj në orën 09:00.

Dëshmitari i mbrojtur 4748 vazhdon dëshminë në gjykimin e Thaçit dhe të tjerëve. 

Transkripti i informimit të sotëm javor të DHSK-së për median ndodhet këtu.

Dëshmitari i mbrojtur 4748 vazhdon dëshminë në gjykimin e Thaçit dhe të tjerëve. ZPS-ja vazhdon marrjen në pyetje të këtij dëshmitari.

Në pajtim me urdhrin e 8 majit të Panelit të Gjykatës Supreme, Haradinaj ridorëzoi kërkesën për mbrojtje të ligjshmërisë (për të qenë në përputhje me numrin e lejuar të fjalëve të përcaktuar në nenin 56(3) të Udhëzuesit të Punës për Dosjet dhe Parashtrimet e Protokolluar). Kërkesën e fundit të Haradinajt si dhe atë të dorëzuar nga Gucati mund t’i gjeni në Dokumentacionin Gjyqësor Publik.

Të enjten, më 11 maj në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.