Arkivi i të gjitha informimeve të mëparshme është i disponueshëm në këtë faqe ndërsa video incizimet mund të gjenden në kanalin tonë në Youtube
E enjte
21 Mars, 2024
14:30
Informimi javor për median më 21 mars: transkripti
Transkripti i informimit të sotëm javor të DHSK-së për median ndodhet këtu.
E mërkurë
20 Mars, 2024
16:30
Informimi javor për median më 21 mars
Informimi javor i radhës për median do të mbahet të enjten, më 21 mars në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.
E mërkurë
20 Mars, 2024
16:00
Çështja Pjetër Shala: refuzohet mocioni i Mbrojtjes për rihapjen e çështjes së saj
Më 19 mars 2024, Trupi Gjykues I hodhi poshtë kërkesën e Mbrojtjes për të rihapur çështjen e saj bazuar në materialin e pretenduar shfajësues në lidhje me një dëshmitar. Mbrojtja e Pjetër Shalës pretendoi se ky material është vënë në dispozicion nga ZPS-ja shumë vonë.
Megjithëse konstatoi se ZPS-ja nuk i ka respektuar obligimet e veta për nxjerrjen e materialit të lartpërmendur, Trupi Gjykues përcaktoi se Mbrojtjes nuk i është shkaktuar asnjë dëm dhe se dëshmia e atij dëshmitari nuk është e nevojshme për përcaktimin e së vërtetës. Trupi Gjykues hodhi poshtë gjithashtu kërkesën e Mbrojtjes për të pezulluar afatin aktual për dorëzimin e dosjeve gjyqësore përfundimtare dhe deklaratës lidhur me ndikimin e krimeve të pretenduara në viktimat pjesëmarrëse në procedurat gjyqësore (më së largu deri më 25 mars).
Më shumë detaje në vendim.
E mërkurë
20 Mars, 2024
15:45
Përfundon gjykimi Thaçi dhe të tjerët për këtë javë/rinis më 25 mars
Pas përfundimit të dëshmisë së dëshmitarit të 52-të të ZPS-së, gjykimi në çështjen Thaçi dhe të tjerët përfundoi për ditën e sotme dhe për këtë javë. Gjykimi do të rinis të hënën, më 25 mars, në ora 09:00.
E mërkurë
20 Mars, 2024
11:00
Gjykimi Thaçi dhe të tjerët: dëshmitari i 52-të vazhdon dëshminë
Dëshmitari i ZPS-së W04571 është duke e vazhduar dëshminë e tij këtë mëngjes. Ai po merret në pyetje nga Mbrojtja e Hashim Thaçit.
E martë
19 Mars, 2024
17:15
Gjykimi Thaçi dhe të tjerët: orari i ri i seancës së nesërme (20/03)
Ju lutemi vini re se seanca e nesërme (më 20 mars) në gjykimin Thaçi dhe të tjerët do të nis në orën 10:00 dhe do të përfundojë në orën 16:30.
E martë
19 Mars, 2024
15:45
Gjykimi Thaçi dhe të tjerët: ZPS-ja thërret dëshmitarin e 52-të
Dëshmitari i ri i ZPS-së është W04571, i cili po dëshmon përmes video-lidhjes. Sipas përmbledhjes së shkurtër të lexuar nga ZPS-ja në sallë të gjyqit, ky dëshmitar është shqiptar i Kosovës, i cili ishte arrestuar dhe mbajtur nga anëtarë të UÇK-së në gusht 1998 ose rreth kësaj date.
Ky është dëshmitari i 52-të i ZPS-së deri më tani.
E martë
19 Mars, 2024
13:00
Gjykimi Thaçi dhe të tjerët: orari i modifikuar i gjykatës për seancën e sotme (19/03/2024)
Ju informojmë se pushimi i drekës në gjykimin Thaçi dhe të tjerët ka filluar më herët se zakonisht. Seanca do të rinis në ora 14:30 dhe do të zgjasë deri në ora 16:30, ashtu siq ishte planifikuar.
E martë
19 Mars, 2024
10:00
Gjykimi Thaçi dhe të tjerët: nis dëshmia e dëshmitarit të 51-të të ZPS-së
Këtë mëngjes nisi dëshmia e dëshmitarit të ri të ZPS-së në gjykimin Thaçi dhe të tjerët. Ky është dëshmitari W04446, vëllai i të cilit, sipas Prokurorisë, gjatë periudhës përkatëse ishte arrestuar nga pjesëtarët e UÇK-së dhe eshtrat e tij nuk janë gjetur asnjëherë.
Ju lutemi vini re se seanca e sotme dhe ajo e ditës së nesërme pritet të përfundojnë në orën 16:30.
E hënë
18 Mars, 2024
15:30
Thaçi dhe të tjerët: dëshmon dëshmitari i ri i ZPS-së/seanca e sotme do të zgjasë më shumë se që ishte paraparë
Dëshmitari i 50-të i ZPS-së është Claude Cahn, dëshmia e të cilit, sipas ZPS-së, ka të bëjë me shkeljet e dokumentuara të të drejtave të njeriut të romëve në Kosovë gjatë punës së tij në Qendrën Evropiane për të Drejtat e Romëve (ERRC) në korrik 1999.
Ju njoftojmë se seanca e sotme do të zgjasë deri në orën 16:30 respektivisht 17:15 (transmetimi me vonesë).