Aktuale

Dëshmia e Bislim Zyrapit ka rifilluar mëngjesin e sotëm me Mbrojtjen e Selimit, e cila po vazhdon marrjen në pyetje nga dita e djeshme.

Sot, më 9 korrik 2024, Trupi Gjykues I caktoi mbajtjen e seancës së shqiptimit të Aktgjykimit në çështjen gjyqësore Pjetër Shala për 16 korrik 2024 në orën 14:00. Këtu është urdhri për caktimin e datës.

Dëshmia e Bislim Zyrapit rifillon mëngjesin e sotëm me vazhdimin e pyetjeve nga Mbrojtja e Veselit.

Ju kujtojmë se, sikurse u njoftua të hënën, seanca e sotme pritet që të zgjasë deri në orën 13:00.  

Ju njoftojmë se gjykimi kaloi në seancë private pas fillimit këtë pasdite dhe pak më vonë u mbyll për ditën e sotme. Procesi do të vazhdojë nesër, më 9 korrik në orën 09:00.

Ju njoftojmë se seanca në gjykimin Thaçi dhe të tjerët këtë pasdite do të fillojë në orën 16:30 (ose në orën 17:15 transmetimi në internet). 

Ju njoftojmë se është shtyrë fillimi i seancës së pasdites së sotme në gjykimin Thaçi dhe të tjerët. Do t’ju informojmë për çdo përditësim sa më shpejt që të jetë e mundshme.

Ju lutemi mbani parasysh se dy versionet e para të aktakuzës së përbashkët në çështjen Januzi, Bahtijari dhe Haxhi Shala tashmë janë të disponueshme në formë të redaktuar publike. ZPS-ja dorëzoi aktakuzë të përbashkët konfidenciale më 12 janar 2024. Versioni i redaktuar publik i saj u parashtrua më 3 korrik 2024 dhe mund të lexohet në Dokumentacionin Gjyqësor Publik. Më pas, më 8 shkurt 2024, Gjykatësi I Procedurës Paraprake udhëzoi ZPS-në ta parashtronte sërish aktakuzën, gjë që u bë më 27 shkurt 2024. Versioni i redaktuar publik i asaj aktakuze është aktualisht i disponueshëm dhe mund të shihet këtu. Pas kësaj, ZPS-ja kërkoi ta ndryshonte atë aktakuzë dhe kjo kërkesë është ende për shqyrtim prej Gjykatësit të Procedurës Paraprake.

Dëshmia e Bislim Zyrapit rifillon mëngjesin e sotëm me vazhdimin e marrjes në pyetje nga Mbrojtja e Thaçit.

Trupi Gjykues njoftoi, po ashtu si javën e kaluar, se ky dëshmitar do të japë dëshmi gjatë tërë ditës së sotme dhe të mërkurë dhe gjysmë dite të martën (deri në pushimin e drekës) dhe të enjten (vetëm në seancën e parë)

Pas përfundimit të dëshmisë së dëshmitarit të ZPS-së W04445, gjykimi në çështjen Thaçi dhe të tjerët përfundoi për ditën e sotme dhe për këtë javë. Gjykimi do të rifillojë të hënën, më 8 korrik në orën 09:00.

Transkripti i informimit të sotëm javor të DHSK-së për median ndodhet këtu.