Arkivi i të gjitha informimeve të mëparshme është i disponueshëm në këtë faqe ndërsa video incizimet mund të gjenden në kanalin tonë në Youtube
E enjte
18 Prill, 2024
14:30
Informimi javor për median më 18 prill: transkripti
Transkripti i informimit të sotëm javor të DHSK-së për median ndodhet këtu.
E enjte
18 Prill, 2024
14:15
Çështja Januzi dhe të tjerët: zgjatet afati për parashtrimet lidhur me ndihmën juridike (Bahtijari)
Më 15 prill 2024, Gjykatësi i Procedurës Paraprake Giju miratoi kërkesën e Mbrojtjes së Bahtijarit dhe e udhëzoi të përfundojnë dhe dorëzojnë dokumentet e kërkuara lidhur me kërkesën për ndihmë juridike nga DHSK-ja deri më 19 prill. Zgjatja e afatit u miratua nga gjykatësi Giju pasi u vërtetua se ka arsye të vlefshme.
Shihni këtu njoftimin tonë të mëparshëm lidhur me të njëjtën temë.
E enjte
18 Prill, 2024
14:00
Hidhet poshtë apeli i Haxhi Shalës kundër vazhdimit të paraburgimit
Më 12 prill, Paneli i Gjykatës së Apelit hodhi poshtë apelin e Haxhi Shalës kundër vendimit të Gjykatësit të Procedurës Paraprake që urdhëronte vazhdimin e paraburgimit të tij. Më shumë hollësi në vendimin (versioni i redaktuar publik) e Panelit të Gjykatës së Apelit.
E mërkurë
17 Prill, 2024
17:00
Informimi javor për median më 18 prill
Informimi javor i radhës për median do të mbahet të enjten, më 18 prill në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.
E mërkurë
17 Prill, 2024
15:45
Gjykimi i P. Shalës: përfunduan deklaratat përmbyllëse/Aktgjykimi me vonë
Pas pushimit të drekës, Trupi Gjykues nuk pati pyetje, kështu që gjykimi vazhdoi me argumentet e palëve në lidhje me zhdëmtimet. Pas kësaj, i akuzuari dha deklaratën e tij dhe në këtë mënyrë përfunduan deklaratat përmbyllëse, duke shënuar fundin e gjykimit. Ju lutemi mbani parasysh se deklarata e të akuzuarit ishte e redaktuar në masë të madhe, sipas urdhrit të Trupit Gjykues.
Trupi Gjykues do ta shpallë Aktgjykimin më vonë.
Ju lutem mbani parasysh se seancat e 18 dhe 19 prillit janë anuluar.
E mërkurë
17 Prill, 2024
13:15
Gjykimi i P. Shalës: orari i modifikuar i Gjykatës për seancën e sotme (17/04/2024)
Pas përfundimit të përgjigjeve dhe komenteve nga palët, seanca e sotme është mbyllur për pushimin e drekës deri në orën 14:00 (ose deri në orën 14:45 në internet). Pas kësaj, seanca pritet të rifillojë me pyetjet nga Trupit Gjykues dhe parashtrimet në lidhje me zhdëmtimet.
E mërkurë
17 Prill, 2024
11:30
Gjykimi i P. Shalës: Mbrojtja përfundoi paraqitjen e deklaratës përmbyllëse, kërkon verdikt pafajësie për klientin e saj
Në përfundim të deklaratës përmbyllëse sot, Mbrojtja e Pjetër Shalës i kërkoi Trupit Gjykues ta shpallë të pafajshëm të akuzuarin. Seanca do të vazhdojë me përgjigjet e ZPS-së dhe të Mbrojtësit të Viktimave, në qoftë se kanë.
E mërkurë
17 Prill, 2024
10:15
Gjykimi i P. Shalës: Mbrojtja vazhdon paraqitjen e argumenteve përmbyllëse
Këtë mëngjes ekipi i Mbrojtjes së Pjetër Shalës ka rifilluar me paraqitjen e deklaratës përmbyllëse, të cilën e filloi dje.
E martë
16 Prill, 2024
12:30
Gjykimi ndaj P. Shalës: Mbrojtja paraqet deklaratën përmbyllëse
Pas përfundimit të prezantimit të deklaratës përmbyllëse nga Mbrojtësi i Viktimave, ekipi i Mbrojtjes së Pjetër Shalës ka filluar paraqitjen e deklaratës përmbyllëse.
E martë
16 Prill, 2024
10:15
Gjykimi ndaj P. Shalës: Mbrojtësi i Viktimave paraqet deklaratën përmbyllëse
Mbrojtësi i Viktimave Sajmon Loz po paraqet deklaratën e tij përmbyllëse në gjykimin ndaj P. Shalës.