• Informimi javor për median më 28 qershor

    Informimi javor i radhës për median do të mbahet të mërkurën, më 28 qershor, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së. 

  • Përfundon gjykimi i Shalës për këtë javë

    Pas marrjes në pyetje të dëshmitarit Marek Gasior nga ZPS-ja dhe përfaqësuesi i viktimave, gjykimi ndaj Shalës përfundoi për këtë javë. Gjykimi do të rinis të hënën, më 3 korrik 2023, në orën 09:30, me marrjen në pyetje të dëshmitarit nga Mbrojtja. Seanca e paraparë për nesër (28 qershor) është anuluar.

  • Gjykimi i Shalës: shqiptohen dy urdhra gojorë

    Gjatë seancës së sotme Trupi Gjykues shqiptoi dy urdhra gojorë lidhur me kërkesat e Mbrojtjes të bëra në seancën e djeshme. Së pari, Trupi Gjykues refuzoi kërkesën e Mbrojtjes për shtyrjen e mbylljes së paraqitjes së provave nga ZPS-ja, e planifikuar për 6 korrik. Së dyti, Trupi Gjykues vendosi të shtyjë marrjen në pyetje nga Mbrojtja të dëshmitarit aktual deri të hënën, më 3 korrik.

  • Përfundon seanca e sotme në gjykimin e Shalës

    Seanca e sotme në çështjen Shala përfundoi siç parashihej sipas orarit në ora 16:00. Gjykimi do të vazhdojë nesër (e martë, 27 qershor), në ora 09:30.

  • Gjykimi i Shalës: Dëshmon dëshmitari i ri i Prokurorisë / seanca e sotme do të zgjasë më shumë

    Dëshmitari i nëntë i Prokurorisë në gjykimin e Shalës është dëshmitari ekspert Marek Gasior, ekspert mjekoligjor nga Polonia. Ju informojmë se seanca e sotme pritet të zgjasë deri në orën 16:45 (ose deri në orën 17:30 në transmetimin në internet). 

  • Gjykimi i Shalës: Pushim i paplanifikuar deri në orën 13:00

    Për shkak të problemeve teknike, gjykimi kundër Shalës është në pushim deri në orën 13:00 (ose 13:45 në transmetimin në internet). Orari i seancave për sot do të njoftohet pas orës 13:00.