Gjykatësi Giju bëri deklarimin në emër të Haradinajt se është i pafajshëm

Sot, në paraqitjen e mëtejshme para gjykatësit të procedurës paraprake, Giju, Nasim Haradinaj nuk u vetëdeklarua në lidhje me fajësinë ose pafajësinë e tij. Bazuar në rregullën 92(2)(f) të Rregullores, gjykatësi i procedurës paraprake bëri deklarimin në emër të të akuzuarit se është i pafajshëm. Meqenëse i bashkakuzuari i tij Gucati u vetëdeklarua i pafajshëm për të gjitha pikat e aktakuzës më 18 dhjetor 2020, bazuar në rregullën 95 të Rregullores së Procedurës dhe Provave të DHSK-së, gjykatësi i procedurës paraprake do të vijojë me përgatitjen e çështjes Gucati&Haradinaj për gjykim. Konferenca për ecurinë e çështjes është në vazhdim e sipër dhe transmetimi mund të përcillet në Internet.