Aktuale

Siç ishte bërë e ditur gjatë konferencës për ecurinë e çështjes më 22 janar, për të cilën informuam këtu, ZPS-ja dorëzoi sot, 30 janar, njoftimin më të fundit lidhur me listën e dëshmitarëve. Njoftimi, pjesa më e madhe e të cilit është redaktuar, mund të shihet në  dokumentacionin gjyqësor publik.

Transkripti i informimit të sotëm javor të DHSK-së për median ndodhet këtu.

Pas përfundimit të dëshmisë së dëshmitarit të 119-të të Prokurorisë, W02714, gjykimi përfundoi për ditën e sotme dhe për këtë javë. Procesi gjyqësor do të vazhdojë të hënën, 10 shkurt 2025, në orën 09:00.

Dëshmitari i ri i ZPS-së, W02714, po dëshmon përmes videolidhjes. Sipas përmbledhjes së ZPS-së në gjykatë, ky dëshmitar ishte rrëmbyer në qershor 1999 nga individë të armatosur, të veshur me uniforma me emblemën e UÇK-së, dhe më pas ishte dërguar në vende të ndryshme, ku ishte keqtrajtuar.

Transmetimi i drejtpërdrejtë është duke funksionuar përsëri. Ju lutem vini re se, për shkak të vështirësive të mëhershme teknike, një pjesë e shkurtë e seancës nuk ishte e disponueshme në transmetimin e gjykimit Thaçi dhe të tjerët. Dhomat e Specializuara të Kosovës do t'a vënë në dispozicion të mediave dhe të publikut, sa më shpejt të jetë e mundur, regjistrimin e plotë publik të seancës së sotme, duke përfshirë pjesën e cila nuk ishte e disponueshme gjatë transmetimit.

Ju informojmë se kemi disa probleme teknike që kanë të bëjnë me transmetimin me vonesë, për shkak të të cilave transmetimi i drejtpërdrejt në internet nuk është i disponueshëm për momentin. Jemi duke u përpjekur që ta zgjidhim problemin sa më shpejt të jetë e mundur.

Informimi javor i radhës për median do të mbahet të enjten, më 30 janar, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Pas zgjatjes së afatit për të cilin kemi informuar më herët, Mbrojtja e Pjetër Shalës dorëzoi njoftimin për apel kundër urdhrit për zhdëmtim, i cili u shqiptua më 29 nëntor 2024. Njoftimi mund të shihet në  dokumentacionin gjyqësor publik.

Pas përfundimit të dëshmisë së Naser Krasniqit, gjykimi në çështjen Thaçi dhe të tjerët përfundoi për ditën e sotme. Trupi gjykues njoftoi se seanca e nesërme do të fillojë në ora 11:30, kur pritet të fillojë dëshmia e një dëshmitari të ri.

Më 28 janar 2025, Paneli i Gjykatës së Apelit e refuzoi apelin e Isni Kilajt kundër vendimit të Gjykatësit të Procedurës Paraprake për mbajtjen e tij të mëtejshme në paraburgim, të lëshuar gojarisht gjatë seancës më 9 dhjetor 2024. Vendimin e Panelit mund t’a gjeni këtu.