Aktuale

Të enjten, më 23 shkurt në orën 14:30, do të mbahet informimi javor i radhës i DHSK-së për median. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected]. Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së. 

Mbrojtja e Shalës e ka përfunduar deklaratën e vet hyrëse, ndjekur nga deklarata pa betim e të akuzuarit, në bazë të Rregullës 142 (1) të Rregullores. Seanca e sotme ka përfunduar ndërsa gjykimi do të rifillojë më 27 mars, në orën 09:30, me nisjen e paraqitjes së provave.

Mbrojtja e Pjetër Shalës ka filluar deklaratën e vet hyrëse në gjykimin kundër Pjetër Shalës.

Trupi Gjykues II nxori vendimin e pestë mbi pjesëmarrjen e viktimave në çështjen Thaçi dhe të tjerët. Tetëdhjetë e katër parashtrues të kërkesave u pranuan si viktima pjesëmarrëse në proces gjyqësor. Ata do të përfshihen në grupin ekzistues 1 (i cili numëronte 53 viktima pjesëmarrëse) dhe do të përfaqësohen nga përfaqësuesi i njëjtë i viktimave. Kjo e çon numrin total të viktimave pjesëmarrëse në 137 në këtë çështje. Tetëdhjetë e gjashtë kërkesa u refuzuan në vendimin më të fundit. Më shumë detaje në vendim.

Përfaqësuesja e viktimave e ka përfunduar deklaratën e vet hyrëse në gjykimin ndaj Shalës. Seanca e sotme ka përfunduar ndërsa gjykimi do të rifillojë nesër (më 22 shkurt) në orën 09:30 me deklaratën hyrëse të Mbrojtjes.

Zyra e Prokurorit të Specializuar e ka përfunduar deklaratën e vet hyrëse. Përfaqësuesja e viktimave është duke paraqitur deklaratën e vet hyrëse në gjykimin ndaj Shalës.

Zyra e Prokurorit të Specializuar ka filluar deklaratën e vet hyrëse në gjykimin kundër Pjetër Shalës.

Transkripti i informimit të sotëm javor të DHSK-së për median ndodhet këtu.

Ju informojmë se ka përfunduar seanca në çështjen e apelit të Salih Mustafës, e mbajtur këtë mëngjes para Gjykatëses Pikar.

Më 15 shkurt, Gjykata e Apelit refuzoi mocionin e Mbrojtjen në të cilin kërkohej përjashtimi i Mbrojtësit të Viktimave nga pjesëmarrja në konferencën para apelit më 16 shkurt dhe në procedurat apeluese në çështjen Mustafa në përgjithësi. Duke konstatuar se ekziston baza ligjore për pjesëmarrjen e viktimave, përmes Mbrojtësit të Viktimave, në këto procedura apeluese, Trupi Gjykues miratoi modalitetet për pjesëmarrjen e viktimave në këtë çështje, të cilat janë përcaktuar në këtë vendim.