Arkivi i të gjitha informimeve të mëparshme është i disponueshëm në këtë faqe ndërsa video incizimet mund të gjenden në kanalin tonë në Youtube
E mërkurë
28 Shkurt, 2024
16:15
Përfundon gjykimi i Thaçit dhe të tjerëve për këtë javë/rinis më 18 mars
Pas përfundimit të dëshmisë së dëshmitarit të 48-të të ZPS-së, gjykimi në çështjen Thaçi dhe të tjerët përfundoi për këtë javë dhe do të rinis të hënën, më 18 mars, në ora 09:00.
E mërkurë
28 Shkurt, 2024
13:15
Gjykimi Thaçi dhe të tjerët: ditë shtesë të seancave në këtë vit
Gjatë seancës së sotme (28 shkurt) Trupi Gjykues i njoftoi palët për ditët shtesë të seancave të caktuara në këtë çështje deri në fund të vitit. Siç shihet në kalendarin tonë, këto data janë 10, 24 dhe 30 maj, 15, 16, 17 dhe 18 korrik, 31 tetor dhe 28 nëntor. Ky njoftim vjen pas diskutimit për këtë çështje të zhvilluar në gjykatë më 26 shkurt.
E mërkurë
28 Shkurt, 2024
10:30
Thaçi dhe të tjerët: vendim lidhur me vizitat dhe komunikimin e Selimit në paraburgim
Më 27 shkurt, Trupi Gjykues në çështjen Thaçi dhe të tjerët nxori vendimin e vet lidhur me kërkesën e Rexhep Selimit për shqyrtim gjyqësor të vendimeve më të fundit të Administratores lidhur me vizitat dhe komunikimin e tij në Objektin e Paraburgimit të DHSK-së.
Mes tjerash, Trupi Gjykues konstatoi se vendimi i Administratores për të monitoruar në mënyrë aktive disa thirrje telefonike ishte brenda autoritetit të saj si dhe i domosdoshëm dhe proporcional, duke refuzuar kështu kërkesën e Selimit për prapësimin e tij. Megjithatë, Trupi Gjykues e prapësoi vendimin lidhur me refuzimin e një thirrje telefonike për të akuzuarin dhe urdhëroi Administratoren që të mos i refuzojë thirrjet e tilla përveç nëse këtë e kërkojnë rrethanat e reja.
Trupi Gjykues hodhi poshtë, pa objekt shqyrtimi, kërkesat e Selimit lidhur me disa vizita private dhe përmes video-lidhjes pasi datat për ato vizita tashmë kanë kaluar.
Më shumë detaje mund të gjenden në vendimin aktual.
E mërkurë
28 Shkurt, 2024
10:15
Thaçi dhe të tjerët: dëshmitari i 48-të i ZPS-së fillon dëshminë e tij
Dëshmitari i ri i mbrojtur i ZPS-së W01140 ka nisur dëshminë këtë mëngjes përmes video-lidhjes. Sipas përmbledhjes së lexuar nga ZPS-ja në gjykatë, dëshmitari ishte banor i Prizrenit dhe u çua dhe u ndalua nga pjesëtarë të UÇK-së në qershor të vitit 1999.
E martë
27 Shkurt, 2024
11:45
Refuzohet apeli (i dytë) i Kilajt kundër mbajtjes së mëtejshme në paraburgim
E hënë
26 Shkurt, 2024
15:30
Përfundon gjykimi Thaçi dhe të tjerët për ditën e sotme/nesër nuk ka seancë
Seanca e sotme ka përfunduar ndërsa ajo e planifikuar për nesër (27 shkurt) është anuluar. Gjykimi në çështjen Thaçi dhe të tjerët do të rinis të mërkurën, më 28 shkurt, në ora 09:00.
E hënë
26 Shkurt, 2024
15:15
Gjykimi Thaçi dhe të tjerët: seanca e pasdites do të jetë më e shkurtër se zakonisht
Për shkak të pamundësisë së dëshmitarit të radhës për të dëshmuar sot, seanca e pasdites në gjykimin Thaçi dhe të tjerët do t'i kushtohet çështjeve procedurale dhe pritet të zgjasë më pak se zakonisht.
E hënë
26 Shkurt, 2024
09:45
Gjykimi Thaçi dhe të tjerët: dëshmitari i 47-të i ZPS-së fillon dëshminë
Dëshmitari i mbrojtur W02749 filloi të dëshmojë në gjykimin Thaçi dhe të tjerët. Sipas përmbledhjes së lexuar nga ZPS-ja në gjykatë, dëshmitari ishte banor i Prizrenit dhe u çua dhe u ndalua nga pjesëtarë të UÇK-së në qershor të vitit 1999.
E enjte
22 Shkurt, 2024
16:15
Përfundon gjykimi Thaçi dhe të tjerët për këtë javë/vazhdon më 26 shkurt
Pas përfundimit të dëshmisë së dëshmitarit të ZPS-së Hajrush Kurtaj, gjykimi në çështjen Thaçi dhe të tjerët ka përfunduar për sot dhe për këtë javë. Gjykimi do të vazhdojë të hënën, 26 shkurt, në ora 09:00.
E enjte
22 Shkurt, 2024
14:30
Informimi javor i DHSK-së për median më 22 shkurt 2024: transkripti
Transkripti i informimit të sotëm javor të DHSK-së për median ndodhet këtu.