Aktuale

Siç ju kemi njoftuar më herët, konferencat përgatitore për gjykimin në çështjen Januzi dhe të tjerët do të mbahen gjatë kësaj jave, ndërsa e para do të fillojë këtë mëngjes në ora 09:30.

Transmetimi i këtyre konferencave do të bëhet me një vonesë prej 45 minutash. Klikoni këtu për të ndjekur transmetimin më shqip.

Më 3 tetor 2024, Kryetarja Trendafilova caktoi Panelin e Gjykatës Kushtetuese për të vendosur mbi referimin e dorëzuar nga Salih Mustafa më 27 shtator 2024. Gjykatësit Vidar Stensland, Rumen Nenkov dhe Romina Inkuti do të vendosin lidhur me këtë referim, i cili pason vendimin e Gjykatës Supreme më 29 korrik të këtij viti.

Ju lutemi keni parasysh se ekziston një tjetër referim i mundshëm nga Mbrojtësi i Viktimave dhe nga ZPS-ja në lidhje me dënimin e Mustafës, për të cilin kemi informuar më herët.

Transkripti i informimit të sotëm javor të DHSK-së për median ndodhet këtu.

Pas përfundimit të dëshmisë së dëshmitarit W01158, gjykimi në çështjen Thaçi dhe të tjerët përfundoi për ditën e sotme dhe për këtë javë. Procesi gjyqësor do të vazhdojë të hënën, 21 tetor 2024, në orën 13:00.

Këtë mëngjes, dëshmitari i mbrojtur W01158 filloi dëshminë e cila do të zhvillohet tërësisht në seancë të mbyllur.

Informimi javor i radhës për median do të mbahet të enjten, më 3 tetor, në orën 14:30. Gjatë këtij informimi, zëdhënësit e DHSK-së do të japin një informacion të përditësuar mbi zhvillimet e fundit lidhur me procedurat gjyqësore dhe veprimtaritë e tjera publike të gjykatës. Gazetarët do të kenë mundësinë të bëjnë pyetje. Për të marrë pjesë, për çdo informim javor nevojitet regjistrimi paraprak. Ju lutemi dërgoni një mesazh elektronik me emrin dhe mbiemrin tuaj si dhe emërtimin e medias në [email protected](link sends e-mail). Afati i fundit për regjistrimin paraprak është çdo të enjte deri në ora 12:00. Detajet e platformës Zoom do të ju dërgohen pas regjistrimit paraprak. Regjistrimet e informacioneve të ofruara gjatë informimeve javore do të vihen në dispozicion në kanalin Youtube të DHSK-së.

Pas përfundimit të dëshmisë së dëshmitares Stamena Jeliq, gjykimi në çështjen Thaçi dhe të tjerët përfundoi për ditën e sotme. Procesi gjyqësor do të vazhdojë nesër, 3 tetor 2024, në orën 09:00.

Dëshmitarja e re e ZPS-së është Stamena Jeliq e cila po dëshmon përmes video-lidhjes. Sipas ZPS-së, në gusht të vitit 1999, pjesëtarë të UÇK-së e morën bashkëshortin e dëshmitares, Marko Jeliq, nga shtëpia e tyre në Rahovec i cili që prej atëherë është i zhdukur.

Ky është dëshmitari i 94-të në gjykatë deri më tani.

Gjatë konferencës së sotme për ecurinë e çështjes në çështjen Thaçi dhe të tjerët, ZPS-ja njoftoi se janë edhe 65 dëshmitarë për t’u thirrur në gjykatë si dhe 54 dëshmi për t'u pranuar me shkrim, por ky numër mund të zvogëlohet në të ardhmen. Duke iu përgjigjur kërkesës së trupit gjykues, ZPS-ja deklaroi se data e synuar e 1 prillit 2025 për përfundimin e çështjes së tyre është e arritshme. Ata gjithashtu deklaruan se përditësimi i tyre i radhës mbi numrin e dëshmitarëve do të bëhet deri më 1 nëntor të këtij viti. ZPS-ja shprehu synimin e saj për të thjeshtëzuar dëshminë e të paktën 7 dëshmitarëve, duke i kthyer potencialisht disa prej tyre në deklarata me shkrim ose duke përjashtuar të tjerët fare. Gjithashtu, palët biseduan për përshpejtimin e procedurave dhe diskutuan aspektet e ardhshme, siç janë mocionet sipas Rregullës 130 dhe kohëzgjatja e paraqitjes së provave prej Mbrojtësit të Viktimave dhe prej Mbrojtjes, në qoftë se kanë. Trupi gjykues ka shpallur edhe orarin e modifikuar të seancës së planifikuar më 21 tetor, e cila do të zhvillohet nga ora 13:00 deri në 16:30.

Gjykimi Thaçi dhe të tjerët do të rinis nesër, 2 tetor, në seancë të rregullt të planifikuar në ora 09:00.

Dëshmitari Ahmet Rrahmanaj ka përfunduar dhënien e dëshmisë ndërsa seanca përfundoi për ditën e sotme. Trupi Gjykues deklaroi se pasi që nuk ka dëshmitarë në dispozicion për nesër, 1 tetor, palët do të takohen në një Konferencë për ecurinë e çështjes për të diskutuar lidhur me kohën dhe planifikimin në këtë çështje gjyqësore. Konferenca për ecurinë e çështjes është planifikuar të mbahet nga ora 14:30 deri në 15:30.