TAfati përmbyllës i Ftesës sonë për Aplikime 1-2025 ishte 7 prill 2025. Aktualisht është duke u kryer procedura e përzgjedhjes dhe rekrutimit.
Në Dhomat e Specializuara të Kosovës dhe Zyrën e Prokurorit të Specializuar mund të punësohen vetëm shtetas nga shtete anëtare të BE-së dhe shtete të treta kontribuese*.
Task Forca Hetimore Speciale (TFHS) ka kryer hetime penale për pretendimet që përmban Raporti i Asamblesë Parlamentare të Këshillit të Evropës (APKE), i vitit 2011, me titull Trajtimi çnjerëzor i personave dhe trafikimi i paligjshëm i organeve njerëzore në Kosovë.
Xhek Smith (Jack Smith) shërbeu si Prokuror i Specializuar nga 7 maji 2018 deri më 18 nëntor 2022, pas Dejvid Shvendimanit (David Schwendiman), i cili shërbeu si Prokuror i Specializuar nga 1 shtatori 2016 deri në 31 mars 2018.
Prokurori i specializuar është përgjegjës për hetimin dhe ndjekjen penale të personave përgjegjës për krimet që përfshihen brenda juridiksionit të Dhomave të Specializuara dhe është i pavarur në kryerjen e detyrave të veta.
Zyra e Prokurorit të Specializuar (ZPS) është një prokurori e ndërkombëtarizuar dhe e zhvendosur në Hagë, që u krijua për hetimin dhe, nëse është e nevojshme, për ndjekjen penale të individëve për krimet e pretenduara në raportin e Asamblesë Parlamentare të Këshillit të Evropës (APKE) të janarit të vitit 2011 me titull “Trajtimi çnjerëzor i personave dhe trafikimi i paligjshëm i organeve njerëzore në Kosovë”.
Përgjegjës për administrimin, shërbimet dhe detyrat e tjera të Dhomave të Specializuara është Administratori, i cili drejton Zyrën Administrative dhe përfaqëson një nga tre krerët e Dhomave të Specializuara dhe Zyrës së Prokurorit të Specializuar.
Dhomat e Specializuara dhe Zyra e Prokurorit tё Specializuar kanё juridiksion mbi krime kundёr njerёzimit, krime lufte, dhe krime tё tjera tё pёrkufizuara nё Ligjin e Kosovёs, lidhur me pretendimet e paraqitura nё Raportin e Asamblesё Parlamentare tё Kёshillit tё Evropёs tё datёs 7 janar 2011.
