Të dhënat tuaja

Zyra e Avokatit të Popullit:

Për pyetje të mediave dhe pyetje të përgjithshme ju lutemi kontaktoni Njësinë për Informim dhe Komunikim me Publikun në [email protected]. Në qoftë se dëshironi ta kontaktoni Zyrën e Avokatit të Popullit në lidhje me një ankesë ju lutemi klikoni këtu dhe ndiqni udhëzimet ose dërgoni letër në adresën:

Office of the Ombudsperson, Kosovo Specialist Chambers

Në qoftë se dëshironi të bëni ankesë për një shkelje të pretenduar të të drejtave tuaja prej Dhomave të Specializuara të Kosovës ose Zyrës së Prokurorit të Specializuar, shënoni të dhënat tuaja bazë të kontaktit në formularin e mbrojtur që gjendet në lidhjen e mëposhtme dhe aty zgjidhni Dërgo informacionin (Submit Information). Pas marrjes së të dhënave tuaja bazë nga Avokati i Popullit, do të kontaktoheni me postë elektronike dhe do t’ju dërgohet një Formular për Ankesë të cilin duhet ta plotësoni dhe t’ia ktheni Avokatit të Popullit.

Avokati i Popullit ka miratuar dhe publikuar Kodin e Etikës për Avokatin e Popullit që rregullon standardet profesionale të zbatueshme në punën e Zyrës së tij.

Avokati i Popullit duhet të jetë i pavarur, i paanshëm dhe profesional në kryerjen e detyrave të tij dhe të veprojë në përputhje me normat e karakterit të lartë moral parashtruar në Kushtetutën e Kosovës, Ligjin për Dhomat e Specializuara dhe Zyrën e Prokurorit të Specializuar dhe në Rregulloren e Procedurës dhe të Provave.

Z. Pietro Spera u emërua Avokat i Popullit i Dhomave të Specializuara të Kosovës në maj 2018.

Dhomat e Specializuara të Kosovës (DHSK) dhe Zyra e Prokurorit të Specializuar (ZPS) kanë detyrimin të mbrojnë të drejtat themelore të mishëruara në Kapitullin II të Kushtetutës së Kosovës dhe të veprojnë në përputhje me të drejtën ndërkombëtare për të drejtat e njeriut.

Ndonëse është pjesë e Zyrës Administrative, Avokati i Popullit vepron në mënyrë të pavarur për monitorimin, mbrojtjen dhe garantimin e të drejtave dhe lirive themelore të personave që ndërveprojnë me Dhomat e Specializuara dhe Zyrën e Prokurorit të Specializuar. 

MBROJTJA E TЁ DHЁNAVE PERSONALE

Në mbledhjen dhe përdorimin e të dhënave personale, Dhomat e Specializuara të Kosovës janë të përkushtuara në përmbushjen e standardeve më të larta. Ky njoftim pёr privatёsinё tregon qartёsisht se ҫfarё mund tё prisni kur Dhomat e Specializuara të Kosovës mbledhin tё dhёnat personale dhe vlen pёr të dhënat që ne mbledhim në lidhje me:

Vizitorët e faqes sonë në Internet