Në veprimtari të organizuara në bashkëpunim me OJQ nga Kosova ndërmjet 17 dhe 21 qershor 2019, ekipi për komunikim dhe ndërgjegjësim foli për mandatin dhe veprimtaritë e Dhomave të Specializuara të Kosovës, iu përgjigj pyetjeve dhe mori pjesë në diskutime të gjalla me përfaqësues të komunitetit, juristë, studentë të drejtësisë dhe përfaqësues të shoqatave të personave të zhdukur.
Zyra e Pjesëmarrjes së Viktimave e Dhomave të Specializuara të Kosovës mbajti në Pejë një takim me studentë universitarë nga mbarë Kosova, në të cilin u diskutua për pjesëmarrjen e viktimave në DHSK. Sipas ligjit dhe rregullores së procedurës së gjykatës, personave të dëmtuar si pasojë e krimeve të përfshira në një aktakuzë publike do t’u jepet mundësia të bëjnë kërkesë për të marrë pjesë në procedurat gjyqësore, në bazë të vendimeve të gjykatësve.
Në katër veprimtari të ndryshme të organizuara nga OJQ partnere të DHSK-së në Kaçanik, Kamenicë, Shillovë dhe Prishtinë më 24-26 shtator 2019, punonjës të DHSK-së u takuan me përfaqësues të komuniteteve të ndryshme në Kosovë si dhe me nxënës të shkollave të mesme dhe mësuesit e tyre. Në kuadër të programit për komunikim dhe ndërgjegjësim, punonjësit e DHSK-së shkojnë çdo muaj në Kosovë për të informuar qytetarët për gjykatën dhe veprimtaritë e saj, për t’iu përgjigjur pyetjeve, si dhe për të nxitur diskutimin me një gamë të gjerë grupesh nga mbarë Kosova.
27-30 gusht 2019
Ekspertë të lartë ligjorë dhe përfaqësues të Zyrës së Pjesëmarrjes së Viktimave iu bashkuan ekipit për komunikim dhe ndërgjegjësim për të diskutuar punën e Dhomave të Specializuara të Kosovës me përfaqësues të komunitetit në një veprimtari të zhvilluar në gusht në rajonin e Prizrenit. Përfaqësuesit e DHSK-së u takuan edhe me shoqata të personave të zhdukur për një prezantim të mandatit dhe pjesëmarrjes së viktimave në DHSK, ndjekur nga një seancë diskutimi me pyetje dhe përgjigje.
Përveç nëse specifikohet ndryshe, seancat publike transmetohen përmes internetit me një vonesë prej 45 minutash.
Sjellja brenda ndërtesave të DHSK-së:
Dhomat e Specializuara të Kosovës janë institucion gjyqësor dhe vizitorët në ndërtesë duhet t’u përmbahen rregullave të sjelljes. Vizitorët janë të obliguar që t’u përmbahen të gjitha udhëzimeve që u jepen nga punonjësit e sigurisë.
Phillips-Universität Marburg - Faculty of Law (Gjermani)
Sciences Po Paris (Francë)
University College of London (Britani e Madhe)
United World College of Maastricht University (Holandë)
University of Missouri and LeMoyne College, Syracuse NY (SHBA)
The American University of Paris (Francë)
The American University Washington - College of Law (SHBA)
Friedrich-Alexander-Universität Erlangen Nuremberg (Gjermani)
New York University (SHBA)
Freiburg University (Gjermani)
Bocconi University (Itali)
Paul Valéry University, Montpellier (Francë)
Bordeaux University (Francë)
The American University of Brussels (Belgjikë)
Brandeis University - Boston, Massachusetts (SHBA)
EU Council Working Party on the Western Balkans Region (Belgjikë)
University College of London (Britani e Madhe)
Galway University - Irish Centre for HR (Irlandë)
Bulgarian Lawyers Training Centre (Bullgari)
Sciences Po Paris (Francë)
London School of Economics - LSE (Britani e Madhe)
Leuven University (Belgjikë)
Që nga viti 2016, studentë dhe grupe të tjera mund të vizitojnë Gjykatën në kuadër të Programit për Vizita të Dhomave të Specializuara të Kosovës. Gjatë këtyre vizitave, përfaqësues të Dhomave të Specializuara i informojnë vizitorët për mandatin dhe proceset gjyqësore të Gjykatës, u përgjigjen pyetjeve të vizitorëve dhe bëjnë diskutime.
