Për informacion plotësues në lidhje me  paraburgimin në Dhomat e Specializuara të Kosovës:

Rregullorja e Paraburgimit dhe Udhëzuesit e Punës për:

• Vizitat dhe komunikimet

Për komunikim me mediat, të paraburgosurve u duhet miratim paraprak i Administratorites. Udhëzuesin e punës për komunikimet me mediat do ta gjeni këtu. Informacion më të hollësishëm për pyetje që lidhen me mediat mund të gjeni në rubrikën për mediat.

Të paraburgosurit kanë të drejtën e kohës dhe mjeteve e mundësive të mjaftueshme për përgatitjen e mbrojtjes së tyre. Një prej mënyrave për garantimin e kësaj të drejte është që të paraburgosurve u jepet mundësi e mjaftueshme për vizita dhe komunikim me mbrojtësit e tyre.

Të gjithë të paraburgosurit kanë mundësi të arsyeshme për mbajtjen e marrëdhënieve personale me të tjerët. Përveç thirrjeve telefonike dhe letërkëmbimit me shkrim, ata mund të presin vizita nga të afërmit e ngushtë, anëtarë të tjerë të familjes dhe persona me të cilët kanë marrëdhënie personale prej më herët. Kujdes i veçantë i kushtohet organizimit të vizitave prej familjes në bazë të një procedure të thjeshtuar.

Të paraburgosurit konsiderohen të pafajshëm deri në vërtetimin e fajësisë dhe trajtohen si të tillë  gjatë gjithë kohës. Çdo formë diskriminimi është e ndaluar.

Objekti i Paraburgimit i Dhomave të Specializuara të Kosovës (‘objekti i paraburgimit’) ndodhet në kompleksin e burgut PI Haaglanden në Hagë.

E drejta për përfaqësim juridik para Dhomave të Specializuara është themelore për garancitë e gjykimit të drejtë mishëruar në Kushtetutën e Kosovës dhe Ligjin për Dhomat e Specializuara dhe Zyrën e Prokurorit të Specializuar (‘Ligji’).

Për kontraktimin sipas sistemit të ndihmës juridike, mbrojtësi duhet të dorëzojë dokumentacion që provon se mbrojtësi i përmbush kriteret e Direktivës për Mbrojtësit, vërtetim që dëshmon pagimin e të gjitha tatimeve dhe kontributeve të sigurimeve shoqërore dhe vërtetim të sigurimit profesional.

Gjithashtu mbrojtësi duhet të nënshkruajë zotimin e konfidencialitetit dhe një deklaratë se nuk ka konflikt interesash.

Për llogaritjen e shumës maksimale të ndihmës juridike që i paguhet mbrojtësit merren parasysh:

• faza e procesit dhe kohëzgjatja e pritshme e saj;

• niveli i kompleksitetit të çështjes;

• korniza e shërbimeve të nevojshme; dhe

• shuma maksimale e ndihmës juridike përcaktuar në Rregulloren e Ndihmës Juridike.

Me nismën e vet ose me kërkesë të të dyshuarit ose të akuzuarit,  Administratorja mund të rishikojë një vendim të marrë në bazë të kësaj rregulle, në qoftë se:

• vendimi ndikohet në mënyrë të konsiderueshme nga një ndryshim i rrethanave;

• Administratorja vihet në dijeni të një informacioni të ri të rëndësishëm; ose

• i dyshuari ose i akuzuari ka paraqitur informacion të rremë ose qëllimisht nuk ka paraqitur informacion me rëndësi.