Në qoftë se dëshironi të bëni ankesë për një shkelje të pretenduar të të drejtave tuaja prej Dhomave të Specializuara të Kosovës ose Zyrës së Prokurorit të Specializuar, shënoni të dhënat tuaja bazë të kontaktit në formularin e mbrojtur që gjendet në lidhjen e mëposhtme dhe aty zgjidhni Dërgo informacionin (Submit Information). Pas marrjes së të dhënave tuaja bazë nga Avokati i Popullit, do të kontaktoheni me postë elektronike dhe do t’ju dërgohet një Formular për Ankesë të cilin duhet ta plotësoni dhe t’ia ktheni Avokatit të Popullit.

Avokati i Popullit ka miratuar dhe publikuar Kodin e Etikës për Avokatin e Popullit që rregullon standardet profesionale të zbatueshme në punën e Zyrës së tij.

Z. Pietro Spera u emërua Avokat i Popullit i Dhomave të Specializuara të Kosovës në maj 2018.

Dhomat e Specializuara të Kosovës (DHSK) dhe Zyra e Prokurorit të Specializuar (ZPS) kanë detyrimin të mbrojnë të drejtat themelore të mishëruara në Kapitullin II të Kushtetutës së Kosovës dhe të veprojnë në përputhje me të drejtën ndërkombëtare për të drejtat e njeriut.

MBROJTJA E TЁ DHЁNAVE PERSONALE

Në mbledhjen dhe përdorimin e të dhënave personale, Dhomat e Specializuara të Kosovës janë të përkushtuara në përmbushjen e standardeve më të larta. Ky njoftim pёr privatёsinё tregon qartёsisht se ҫfarё mund tё prisni kur Dhomat e Specializuara të Kosovës mbledhin tё dhёnat personale dhe vlen pёr të dhënat që ne mbledhim në lidhje me:

Vizitorët e faqes sonë në Internet 

Listat e Mbrojtësve përmbajnë emrat e juristëve që përmbushin kriteret e ushtrimit të profesionit para Dhomave të Specializuara të Kosovës si mbrojtës ose bashkëmbrojtës dhe rrjedhimisht mund të caktohen ose emërohen për të dyshuar, të akuzuar dhe/ose grup viktimash në përputhje me Kapitullin III të Direktivës për Mbrojtësit.

Tre drejtuesit e Dhomave të Specializuara të Kosovës dhe Zyrës së Prokurorit të Specializuar mbajtën prezantime para afërsisht  300 juristëve dhe studentëve të drejtësisë, shumica e të cilëve ishin studentë universitarë dhe të magjistraturës. Kjo veprimtari u zhvillua krahas Simulimit Gjyqësor për Studentë në Gjykatën Penale Ndërkombëtare, nga 14 deri më 19 maj 2017, në Hagë, në prani të Benjamin Ferencz, 97 vjeç, prokurori i fundit i mbetur gjallë i proceseve gjyqësore të Nurembergut.

Më 26 shkurt, në kuadër të programit për informim dhe ndërgjegjësim dhe të programit për vizitorët, Dhomat e Specializuara të Kosovës pritën një grup të përbërë nga 35 juristë, studentë dhe profesorë universitarë nga vende të ndryshme, kryesisht nga Kosova, Serbia, Kroacia, Mbretëria e Bashkuar dhe Holanda. Vizita ishte nismë e Fondacionit Xhefri Najs (Geoffrey Nice) dhe e Universitetit të Amsterdamit.

Në publikimet e mëposhtme jepet më shumë informacion për disa nga aspektet më të rëndësishme të punës së Dhomave të Specializuara të Kosovës, ndër të cilat informacion prezantues mbi drejtuesit dhe gjykatësit e Dhomave të Specializuara të Kosovës, mbi strukturën dhe mandatin e këtij institucioni si edhe informacion më konkret për Rregulloren e Procedurës dhe të Provave që hyri në fuqi më 5 korrik të këtij viti. Në dy fletinformacione të tjera ofrohet informacion për mbrojtjen e të dyshuarve dhe të akuzuarve si edhe për pjesëmarrjen e viktimave para Dhomave të Special